देऊळगांव राजा : अशरफ पटेल : मा. भारत निवडणूक आयोगाने लोकसभा सार्वत्रिक निवडणूक 2024 करिता निवडणूक कार्यक्रम घोषित केलेला असून दि.१६ मार्च पासून आदर्श आचारसंहिता लागू करण्यात आलेली आहे. सदर निवडणुकीच्या अनुषंगाने ०५ बुलढाणा लोकसभा मतदार संघामध्ये मतदानाच्या तयारीची प्रक्रिया अंतिम टप्प्यात आली आहे.
२४ सिंदखेड राजा विधानसभा मतदारसंघात बुलढाणा लोकसभा निवडणुकीची तय्यारी जोरात सुरु आहे, मा.सहाय्यक निवडणूक निर्णय अधिकारी तथा उपविभागीय अधिकारी प्रा. संजय खडसे यांच्या मार्गदर्शनाखाली मतदानाकरिता आवश्यक असलेल्या चिन्हांकित मतदार यादी तयार करण्याचे कामकाज पथकप्रमुख मा. नायब तहसीलदार नितीन बढे यांच्या पथकामार्फत पूर्ण करण्यात आले. सदर काम अतितातडीचे तसेच निवडणूक दृष्ट्या संवेदनशील असल्याकारणाने पथकातील सर्व अधिकारी तसेच कर्मचारी यांनी पूर्ण दिवस आणि रात्रभर जागून ही प्रक्रिया पूर्णत्वास नेली, सिंदखेड राजा विधानसभा मतदारसंघांमध्ये असलेल्या एकूण ३३६ मतदान केंद्रावरील एकूण मतदार ३ लाख १४ हजार ७८ पैकी निवडणूक कार्य प्रमाणपत्र १७१० व टपाली मतपत्रिका १०३२ चिन्हांकित करण्यात आलेले आहेत, या गोष्टीची दखल घेऊन मा. उपविभागीय अधिकारी तथा सहाय्यक निवडणूक निर्णय अधिकारी प्रा. संजय खडसे यांनी पथकातील अधिकारी तसेच कर्मचारी यांचे कौतुक केले. प्रा. संजय खडसे उपविभागीय अधिकारी सिंदखेड राजा विधानसभा मतदारसंघ, प्रवीण धानोरकर तहसीलदार सिंदखेडराजा, श्रीमती वैशाली डोंगरजाळ तहसीलदार देऊळगांव राजा, मनोज सातव नायब तहसीलदार सिंदखेड राजा, नितीन बडे नायब तहसीलदार उपविभागीय अधिकारी कार्यालय सिंदखेड राजा, डॉ. अस्मा मुजावर नायब तहसीलदार देऊळगावराजा यांच्यामार्गदर्शखाली पथकामधील एस. के. नझिर व. ली, अंकित बेलवकर क.स, चंदेश तायडे क. स,दीपक गोरे अ. का, बाळासाहेब गादेवाड अ. का ,रुपेश सोनवाल म. स, कमल लहाने अ.का, रेखा भंडारी अ.का, सुनिता रोकडे अ.का, वर्षा पडघान अ.का, इंगळे मँडम अ.का, संगिता निकस तलाठी, लांडगे तलाठी, साळवे तलाठी, पांडव तलाठी, अंबादास पैठणे कोतवाल, ज्योती उरफाटे कोतवाल, भाग्यश्री डोके कोतवाल या सर्व कर्मचाऱ्यांनी सदर काम युद्धपातळीवर पूर्ण केले आहे.